2011 yil 28 iyun kuni Turkiston san’at saroyida O‘zbekiston Respublikasi mustaqilligining 20 yilligiga bag'ishlangan "Yagonasan muqaddas Vatan" respublika ko‘rik tanlovining Toshkent shahri bo‘yicha 2-bosqichi bo‘lib o‘tdi. Unda Toshkent shahri tumanlarida bo‘lib o‘tgan 1-bosqichda g'olib deb topilgan 38 nafar estrada honandasi ishtirok etdilar.

Tanlovda ishtirok etgan IIV Akademiyasi Serjantlar tarkibini tayyorlash bo‘yicha oliy kurslari yuridik fanlar sikli o‘qituvchisi kapitan Jasurbek Yadgarov hay’at a’zolari tomonidan eng yaxshi estrada xonandasi deb topilib, faxrli birinchi o‘rinni egalladi va 1-darajali diplom bilan taqdirlandi hamda Respublika bosqichiga yo‘llanmani qo‘lga kiritdi.

Hamkasbimizga keyingi bosqichda ham omad yor bo‘lishini tilab qolamiz.