2011 yilning 1 sentabr kuni O‘zbekiston Respublikasi mustaqilligining 20 yilligi bayrami munosabati bilan IIV Akademiyasi jinoyatlarning oldini olish kafedrasining professor-o‘qituvchilar tarkibi va kunduzgi ta’limning “Jinoyatlarning oldini olish faoliyati” mutaxassisligi bo‘yicha ta’lim olayotgan 3–4-kurs tinglovchilari ishtirokida Toshkent shahar Yunusobod tuman xalq ta’limi bo‘limiga qarashli 21-sonli Mehribonlik uyida navbatdagi mehr-muruvvat tadbiri o‘tkazildi.

Akademiya rahbariyati, professor-o‘qituvchilar tarkibi va tinglovchilar nomidan Mehribonlik uyi tarbiyalanuvchilariga qimmatbaho sovg'alar ulashildi, ularni chin ko‘ngildan tabriklab, iliq va samimiy tilaklar bildirildi.

Ushbu tadbir 2007 yildan buyon olib borilayotgan xayr-saxovat ishlarining mantiqiy davomidir.

Mehribonlik uyining tarbiyachi va tarbiyalanuvchilari ko‘rsatilgan g'amxo‘rlik uchun chuqur minnatdorchilik bildirdilar va bunday hamkorlikning davom ettirilishiga ishonch bildirdilar.