2011 йилнинг 1 сентябрь куни Ўзбекистон Республикаси мустақиллигининг 20 йиллиги байрами муносабати билан ИИВ Академияси жиноятларнинг олдини олиш кафедрасининг профессор-ўқитувчилар таркиби ва кундузги таълимнинг “Жиноятларнинг олдини олиш фаолияти” мутахассислиги бўйича таълим олаётган 3–4-курс тингловчилари иштирокида Тошкент шаҳар Юнусобод туман халқ таълими бўлимига қарашли 21-сонли Меҳрибонлик уйида навбатдаги меҳр-мурувват тадбири ўтказилди.

Академия раҳбарияти, профессор-ўқитувчилар таркиби ва тингловчилар номидан Меҳрибонлик уйи тарбияланувчиларига қимматбаҳо совғалар улашилди, уларни чин кўнгилдан табриклаб, илиқ ва самимий тилаклар билдирилди.

Ушбу тадбир 2007 йилдан буён олиб борилаётган хайр-саховат ишларининг мантиқий давомидир.

Меҳрибонлик уйининг тарбиячи ва тарбияланувчилари кўрсатилган ғамхўрлик учун чуқур миннатдорчилик билдирдилар ва бундай ҳамкорликнинг давом эттирилишига ишонч билдирдилар.