2011 йилнинг 2-3 сентябрь кунлари Тошкент шаҳар Юнусобод туман ИИБ “Бободеҳқон” маҳалласи 400-сонли ҳамда Ҳамза туман ИИБ “Усмон Носир” маҳалласи 269-сонли намунали милиция таянч пунктлари қошида ташкил этилган жиноятларнинг олдини олиш кафедрасининг махсус филиалларида «Жиноятларнинг олдини олиш фаолияти» мутахассислиги бўйича таълим олаётган тингловчилар билан “Милиция таянч пунктлари фаолиятини ташкил этиш” мавзуида амалий машғулотлар ўтказилди. Амалий машғулотлар профилактика инспекторлари томонидан маҳалла фуқаролар йиғини раислари, маҳалла посбонлари, диний-маърифат ва маънавий-ахлоқий тарбия масалалари бўйича маслаҳатчилар, яраштириш комиссияси аъзолари иштирокида ўтказилди.

Машғулотлар давомида жамоат хавфсизлигини таъминлаш ва ҳуқуқбузарликларнинг олдини олиш фаолиятининг самарадорлигини оширишда профилактика инспекторларининг жамоатчилик билан ҳамкорлиги муҳим эканлиги таъкидлаб ўтилди.

Ўтказилган машғулотлар натижасида тингловчилар томонидан маъруза машғулотларида олинган назарий билимлар мустаҳкамланди ҳамда уларда милиция таянч пунктларининг фаолиятини тўғри ташкил этиш бўйича амалий кўникмалар шакллантирилди.