O‘zbekiston Respublikasi Mustaqilligining 20 yilligi bayrami arafasida IIV Akademiyasida 2010–2011-o‘quv yilining “Eng yaxshi kafedra(sikl) boshlig'i”, “Eng yaxshi professor”, “Eng yaxshi dotsent”, “Eng yaxshi o‘qituvchi”, “Eng yaxshi o‘quv-metodik kabinet boshlig'i”, “Eng yaxshi stajyor-tadqiqotchi-izlanuvchi” nominatsiyalari bo‘yicha tanlov yakunlari e’lon qilindi.

Tanlovda jinoyatlarning oldini olish kafedrasining boshlig'i, yuridik fanlar doktori, professor I. Ismailov – “Eng yaxshi kafedra(sikl) boshlig'i”, davlat va huquq nazariyasi va tarixi kafedrasining boshlig'i, yuridik fanlar doktori, professor X.T. Odilqoriyev – “Eng yaxshi professor”, iqtisodiy fanlar kafedrasining dotsenti, iqtisod fanlari nomzodi Sh.R. Qobilov – “Eng yaxshi dotsent”, jinoyat huquqi kafedrasining katta o‘qituvchisi – M. M. Qalandarov – “Eng yaxshi o‘qituvchi”, O‘zbekiston tarixi kafedrasi o‘quv-metodik kabinetining boshlig'i Q.A. Ro‘ziyev – “Eng yaxshi o‘quv-metodik kabinet boshlig'i”, ilmiy-pedagog kadrlar tayyorlash bo‘limining stajyor-tadqiqotchi-izlanuvchisi S.N. Gordeyev – “Eng yaxshi stajyor-tadqiqotchi-izlanuvchi” nominatsiyalari bo‘yicha g'olib deb topildilar.

G'oliblarni chin ko‘ngildan tabriklaymiz!