2011 yilning 12 noyabr kuni O‘zbekiston Respublikasi IIV Akademiyasining saf maydonida Serjantlar tarkibini tayyorlash bo‘yicha oliy kurslar kursantlarining navbatdagi bitiruviga bag'ishlangan tantana bo‘lib o‘tdi.

Tadbirda O‘zbekiston Respublikasi ichki ishlar vaziri general-leytenant B.A.Matlyubov, vazir o‘rinbosari polkovnik A.Sh.Mirzayev, IIV boshqarmalarining boshliqlari hamda tantanaga taklif qilingan mehmonlar ishtirok etdilar.

Akademiya boshlig'i polkovnik Sh.T.Ikramov tadbirni ochar ekan, ushbu ta’lim muassasasida kursantlar tajribali murabbiylar rahbarligida chuqur bilim olib, tanlagan mutaxassisliklarining sir-asrorlarini puxta o‘zlashtirganliklarini qayd etdi, ular IIV Akademiyasi Oliy kurslarining bitiruvchisi degan yuksak nomni oqlab, Vatan oldidagi burchlarini sharaf bilan bajarishlariga ishonch bildirdi.

Shundan so‘ng kursantlarga diplomlar tarqatildi.
 

Ichki ishlar vaziri general-leytenant B.A.Matlyubov bitiruvchilarni hayotidagi unutilmas voqea bilan tabriklar ekan, huquq-tartibot himoyachisi kasbi uchun mustahkam iroda, yuksak mas’uliyat, yuqori malaka talab qilinishini ta’kidlab o‘tdi. U bitiruvchilarning Oliy kurslarda olgan bilimlardan o‘z kasbiy faoliyati jarayonida samarali foydalanishlari, bor kuch-g'ayratlarini xizmat va fuqarolik burchini namunali bajarishga qaratishlari, Ichki ishlar vazirligi va Akademiyaning yuksak ishonchini oqlashlariga umid bildirdi.

Bitiruvchilarni ota-onalar nomidan – F.U.Isayeva, ta’lim muassasasi o‘qituvchilar tarkibi nomidan Oliy kurslar maxsus fanlar sikli boshlig'i M.Z.Ziyodullayev tabrikladilar.

Bunga javoban bitiruvchilar nomidan kichik serjant A.A.Pirnazarov so‘zga chiqdi.