2011 yilning 2 dekabr kuni O‘zbekiston Respublikasi IIV Akademiyasida konstitutsiyaviy huquq kafedrasi tomonidan tashkil qilingan «O‘zbekiston Respublikasi Konstitutsiyasi – taraqqiyotimizning huquqiy asosi» mavzuidagi umumakademik konferensiya bo‘lib o‘tdi. Konferensiya ishida ta’lim muassasasining professor-o‘qituvchilari, jamoat xavfsizligini ta’minlash va jinoyatchilikka qarshi kurashishdagi dolzarb masalalar loyihasining ilmiy xodimlari, tarbiyaviy ishlar bo‘limi va Oliy akademik kurslar vakillari hamda Akademiya tinglovchilari ishtirok etdilar.

Konferensiyani IIV Akademiyasi boshlig'ining birinchi o‘rinbosari yuridik fanlar nomzodi M.T.Turg'unov kirish so‘zi bilan ochdi.

Konferensiya jarayonida konstitutsiyaviy modernizatsiya, mamlakatning Asosiy qonunida belgilangan inson huquqlari va erkinliklarining kafolatlari, Konstitutsiya va qonunlarning ustunligi masalalariga bag'ishlangan ma’ruzalar tinglandi, xorijiy davlatlar konstitutsiyalari va O‘zbekiston Respublikasining Konstitutsiyasi qiyosiy-huquqiy tahlil qilindi.

Konferensiya ishi yakunida tinglovchilar tomonidan berilgan savollarga javoblar, konstitutsiyaviy huquq sohasidagi tadqiqotlarni takomillashtirish, konstitutsiyaviy modernizatsiya masalalarini ta’lim jarayonida chuqur va har tomonlama o‘rganishga qaratilgan taklif va tavsiyalar berildi.