2011 yil 25 dekabr kuni IIV Akademiyasining Ma’naviyat va ma’rifat markazida Serjantlar tarkibini tayyorlash oliy kurslari kursantlarining Kamoliddin Behzod nomidagi Milliy rassomchilik va dizayn institutining bir guruh professor-o‘qituvchilari bilan ijodiy uchrashuvi bo‘lib o‘tdi.

Ushbu tadbirga tasviriy san’at fakulteti dekani Ch. A. Bekmirov, amaliy san’at fakulteti dekani R.Norchayev, professor I.Voxidov, kafedra mudiri Sh.Jumaniyazov va dotsentlar R.Rizamuxammedov, E.Masharipov tashrif buyurishdi. 

Tadbirga taklif etilgan mehmonlar bosib o‘tgan ijodiy yo‘li, yaratgan asarlari haqida so‘zlab berishdi. Tasviriy san’at ustalari mamlakatimizda o‘tkazilgan ko‘rgazmalar, O‘zbekiston Respublikasi Mustaqillikka erishganidan so‘ng poytaxtimiz va turli viloyatlarda qurilgan katta-katta binolarda o‘zbek rassomlari amalga oshirgan ijodiy ishlar va izlanishlar to‘g'risida ham aytib o‘tdilar.

Tadbirda san’at ustalari tomonidan yaratilgan asarlar ko‘rgazmasi ham tashkil etildi. Kursantlar ko‘rgazmani katta qiziqish bilan tomosha qildilar.