2011 yil 28 dekabr kuni O‘zbekiston Respublikasi IIV Akademiyasida «Irqiy kamsitishning barcha shakllariga barham berish to‘g'risida konvensiya hamda O‘zbekiston Respublikasining qonunchiligi: muammolar va istiqbollar» mavzuida konferensiya o‘tkazildi.

Konferensiya ishida Akademiya professor-o‘qituvchilari, Oliy akademik kurslar tinglovchilari ishtirok etdilar.

Konferensiyani inson huquqlari nazariyasi va amaliyoti kafedrasi boshlig'i v.b. yuridik fanlar nomzodi, dotsent A.A. Matchanov ochdi.

Anjumanda «Irqiy kamsitishning barcha shakllariga barham berish to‘g'risidagi konvensiyaning O‘zbekiston Respublikasida tatbiq etilishi», «Terrorizmga qarshi kurashda irqiy kamsitishga barham berish muammolari», «Irqiy kamsitishning barcha shakllariga barham berish to‘g'risidagi konvensiya talablarining ichki ishlar organlari faoliyatidagi ahamiyati» mavzularida ma’ruzalar tinglandi.

Konferensiya bahs-munozaralarga boy o‘tdi va Konvensiya talablarini bajarish borasida inson huquqlarini himoya qilish mexanizmini yanada takomillashtirish yuzasidan taklif va tavsiyalar ishlab chiqildi. Bunday tadbirlarning muntazam o‘tkazib turilishi inson huquqlari bo‘yicha xalqaro standartlar va milliy qonunchilikning mazmunini yanada chuqurroq anglashga imkon berishi, shubhasiz.