2–6-noyabr kunlari Turkiyaning Jandarmeriya va sohil xavfsizligi akademiyasida “Terrorçilik taşkilotlari ta’siriga tuşgan şaxslar bilan işlaşning samarali usullari” mavzusida öquv kursi taşkil etildi.

Unda içki işlar organlarining amaliyotçi xodimlari bilan birga, Içki işlar vazirligi akademiyasi professor-öqituvçilari va “tezkor qidiruv faoliyati” yönalişida ta’lim olayotgan kursantlar ham qatnaşdi.

Turkiyalik mutaxassislar olib borgan maşğulotlarda terrorçilik taşkilotlari ta’siriga tuşib qolgan şaxslar bilan individual işlaş, radikallaşuvga olib keluvçi ijtimoiy, mafkuraviy va psixologik omillarni aniqlaş, uşbu toifadagi şaxslarning jamiyatga qayta moslaşuvini ta’minlaş, terrorizmga qarşi kuraş va uning oldini olişda ta’sirçan profilaktik çora-tadbirlarni qöllaş, mazkur yönalişda idoralararo hamkorlikni kuçaytiriş hamda fuqarolik jamiyati institutlari imkoniyatlaridan samarali foydalaniş masalalari yoritildi.

Akademiya vakillarining ta’kidlaşiça, xorij tajribasini örganiş davomida özlaştirilgan bilim va amaliy könikmalar ta’lim jarayonlarini takomillaştiriş, amaliy maşğulotlarni ilğor yondaşuvlar bilan boyitiş, “tezkor qidiruv faoliyati” yönalişida kadrlar tayyorlaş sifatini oşirişga xizmat qiladi.

IIV akademiyasi Axborot xizmati