IIV akademiyasida “Radikalizm, ekstremizm va terrorizmdan ogohlik – davr talabi” mavzuida tadbir bo‘lib o‘tdi.

Tezkor-qidiruv faoliyati kafedrasi tomonidan “Muloqot” klubi doirasida tashkil qilingan tadbirda bir guruh kursantlar va professor-o‘qtuvchilar ishtirok etdi.

Vazirlik huzuridagi Jazoni ijro etish departamentining Tezkor-qidiruv boshqarmasi boshlig‘i o‘rinbosari A. Shukurov so‘z olib, terrorizmni oziqlantiruvchi omillar, radikalizm va ekstremizmning jamiyat uchun tahdidi, yurtimiz tinchligi va xalqimiz osoyishtaligini buzishga qaratilgan ushbu illatlarga qarshi kurashish chora-tadbirlarini samarali tashkil qilish usullari haqida to‘xtaldi.

Tajribali xodim tadbir so‘nggida kursantlarni qiziqtirgan savollarga javob berib, foydali tavsiyalarini ulashdi.

IIV akademiyasi Axborot xizmati