Avval xabar berganimizdek, 23–29-yanvar kunlari poytaxtimizda voleybol bo‘yicha O‘zbekiston chempionati oliy liga bahslarining 1-turi bo‘lib o‘tdi.
“Olimpiya shaharchasi” hamda “Jar” sport-sog‘lomlashtirish majmualari mezbonlik qilgan musobaqada 17 ta jamoa to‘rt guruhga bo‘lingan holda ishtirok etdi.
Musobaqaning “A” guruhidan o‘rin olgan IIV akademiyasi vakillari Andijon davlat texnika instituti (3:0, 3:0), Buxoro davlat pedagogika instituti (3:0, 3:0), “Road Patrul” jamoasi (0:3, 3:1) bilan oltita o‘yin o‘tkazdi.
Umumiy hisobda besh g‘alaba va bir mag‘lubiyat (15 ochko) qayd etgan jamoamiz guruhni “Road Patrul” bilan birga peshqadam sifatida yakunladi.
IIV akademiyasi Axborot xizmati
