Poytaxtimizning Shayxontohur tumanida mahalla tizimi xodimlari uchun 2 kunlik sayyor o‘quv-seminar tashkil etildi.

Mashg‘ulotlarga IIV akademiyasiga biriktirilgan mahallalarda faoliyat yuritayotgan mahalla raislari, hokim yordamchilari, yoshlar yetakchilari, xotin-qizlar faollari va profilaktika inspektorlari jalb qilindi.

O‘quv-seminarda tizim vakillarining ijtimoiy profilaktika obyektlari bilan ishlash, huquqbuzarliklar profilaktikasini samarali tashkil etish, oila-turmush munosabatlari doirasidagi huquqbuzarliklarning barvaqt oldini olish, nizoli vaziyatlarni boshqarish, zamonaviy axborot tizimlaridan foydalanish bo‘yicha bilim va ko‘nikmalari oshirildi.

Akademiyaning ilmiy-amaliy salohiyatga ega professor-o‘qituvchilari tomonidan interfaol yondashuvlar asosida olib borilgan mashg‘ulotlar davomida tizim xodimlari zarur bilim va ma’lumotlarga ega bo‘lib, amaliyotga tatbiq qilingan ilg‘or mexanizmlar yuzasidan o‘zaro tajriba almashdilar.

IIV akademiyasi Axborot xizmati