IIV akademiyasida “tezkor-qidiruv faoliyati” ixtisosligi bo‘yicha ta’lim olayotgan kursantlar “Muloqot” klubida yig‘ildi.

Uchrashuvga vazirlik Tezkor-qidiruv departamentining ko‘p yillik tajribaga ega xodimlari taklif qilindi. Galdagi muloqot o‘zgalar mulkini talon-toroj qilish jinoyatlariga qarshi kurashishning o‘ziga xos xususiyatlariga bag‘ishlandi.

Sohaviy xizmat vakillari ushbu turdagi jinoyatlarning farqli jihatlari, ularni fosh etish yo‘llari, tezkor-qidiruv tadbirlarini samarali tashkil qilishda qo‘l keladigan kasbiy ko‘nikmalarga to‘xtalib, o‘tgan yillar mobaynida fosh qilingan shov-shuvli jinoyatlar haqidagi qiziqarli ma’lumotlar bilan o‘rtoqlashdilar.

Tadbir so‘nggida kursantlar o‘zlarini qiziqtirgan savollarga javob oldilar.

IIV akademiyasi Axborot xizmati