Кеча Янги Тошкентда мустақиллигимизнинг 35 йиллигига бағишланган тантанали маросим бўлиб ўтди.

Тадбирни миллионлаб юртдошларимиз телеканал ва ижтимоий тармоқлар орқали жонли эфирда тўғридан-тўғри томоша қилиш имкониятига эга бўлди.

Байрам шукуҳи ИИВ Ўқув-дала марказида бошланғич ҳарбий тайёргарликдан ўтаётган академия курсантларига ҳам кўтаринки кайфият бағишлади. Улар полигонда ўрнатилган катта экранларда Президентимиз Шавкат Мирзиёевнинг халқимизга йўллаган байрам табригини катта ҳаёжон билан тинглаб, концерт дастуридан мароқли ҳордиқ олдилар.

Тантанали тадбирда ўтган йиллар мобайнида эришилган ютуқлар эътироф этилди. Давлатимиз раҳбари мамлакатимизнинг энг катта бойлиги ва эртанги кунимизнинг ҳал қилувчи кучи бўлмиш Янги Ўзбекистон ёшларига “олдинга қараб интилишдан ва доимий изланишдан ҳеч қачон тўхтаманг, азиз фарзандларим!”, дея алоҳида таъкидлади.

ИИВ академияси Ахборот хизмати