Мамлакатимиз ички ишлар органларининг 35 йиллиги муносабати билан ёш авлодни ватанпарварлик руҳида тарбиялашга қаратилган маънавий-маърифий тадбирлар ўтказилмоқда.

Ички ишлар вазирлиги академиясининг Ўзбекистон тарихи кафедраси ташаббуси билан марҳум полковник Ҳасан Асадов ва катта лейтенант Эркин Саидовнинг оила аъзолари ҳолидан хабар олинди.

Шу куни курсант ёшларга қаҳрамонларнинг умр йўли, шарафли хизмат фаолияти, айниқса диний экстремист кучларларга қарши курашиш ва халқимизнинг осойишта ҳаётини таъминлашда кўрсатган улкан жасорати, мардлик, фидойилик, бурчга садоқат, ватанпарварлик сингари ибратли фазилатлари ёдга олинди.

Хонадон эгаларига вазирлик раҳбариятининг байрам тилаклари етказилиб, жасорат соҳибларини ҳамиша ёдда тутиш, уларнинг оила аъзоларига ҳар томонлама ғамхўрлик кўрсатиш, бугунги тинч-осуда кунлар қадрига етиш маънавий бурч эканлиги айтиб ўтилди.

ИИВ академияси Ахборот хизмати