ИИВ академияси кундузги таълимининг 1-босқич курсантлари ўртасида инглиз тили бўйича кўрик-танлов ўтказилди.

Хорижий тилларни билувчи ёшлар сафини кенгайтириш, иқтидорли ёшларни рағбатлантириш, тизим учун етук салоҳиятли кадрлар тайёрлаш мақсадида ташкил қилинган тадбирда 3 та жамоа ўзаро беллашди.

Кўрик-танловнинг биринчи шарти “Таништирув” деб номланган бўлса, иккинчи шартда иштирокчилар тезкор савол-жавоб синовидан ўтдилар. Учинчи шартда ҳар бир жамоа экранда намойиш этилган видеолавҳани шарҳлаб берди. Ниҳоят, якуний шарт учун эркин мавзу тналаниб, унда курсантлар саҳна кўриниши орқали ўз билим ва иқтидорларини намоён этдилар.

Ўзбекистон миллий педагогика университети, Ўзбекистон давлат жаҳон тиллари университети, ИИВ академиясининг Хорижий тиллар маркази вакиллари ҳакамлик қилган кўрик-танлов якунида фахрли ўринлар соҳиби аниқланиб, диплом ҳамда эсдалик совғалари билан тақдирланди.

ИИВ академияси Ахборот хизмати