Ёш авлодда коррупцияга қарши хулқ-атворни эрта шакллантириш келажак сари мустаҳкам пойдевор яратади.
ИИВ академиясида Шахсий хавфсизлик бош бошқармасининг Таълим муассасалари бўйича бўлими томонидан ўтказилган тадбир ана шу мақсадда ташкил қилинди.
Кундузги таълим биринчи босқич курсантлари иштирокида ўтказилган тадбирда коррупциянинг жамият ҳаёти ва тараққиётига салбий таъсири, ижтимоий-ҳуқуқий оқибатлари, ушбу иллатга муросасиз муносабатни шакллантириш йўллари, бу ўринда ички ишлар ходимлари, айниқса академияда таълим олаётган курсант ёшлардан талаб қилинадиган энг муҳим фазилатлар ҳақида сўз борди.
Учрашув якунида курсантлар “Нафснинг сўнгги манзили” фильмини томоша қилиб, коррупциянинг инсон тақдирини тубдан ўзгартиришга қодир жирканч иллат эканлигига яна бир карра амин бўлдилар.
ИИВ академияси Ахборот хизмати
