Ҳар йилнинг ноябрь ойи юртимизда “Кексалар учун туризм ойлиги” этиб белгиланган.

Шу муносабати билан ИИВ академияси ташаббуси билан бир гуруҳ фахрийлар учун маърифий тадбир уюштирилди. Таълим-тарбия фидойилари ёш авлод вакиллари ҳамроҳлигида пойтахтимиздаги Ўзбекистон Ислом цивилизацияси марказини томоша қилишди.

Муҳтарам Президентимиз ташаббуси билан бунёд этилган марказни инсоният тамаддунининг нодир дурдонаси, дейиш мумкин. Бу ерда тўпланган ноёб осори-атиқалар буюк аждодларимизнинг бой меросини ўрганиш ва улар билан фахрланиш ҳиссини бағишлайди.

Саёҳат марказ фаолияти, тарихий манба ва қўлёзмаларнинг аҳамияти, халқимизнинг бой илмий-маданий меросини ўрганиш ва уни дунё аҳлига етказиш борасида қилинаётган эзгу ишлар ҳақида кенг таассурот қолдирди. Мутахассислар томонидан улашилган қимматли маълумотлар ёшларнинг маънавий оламини бойитишга хизмат қилди.

Зеро, давлатимиз раҳбари айтганидек, ҳамма ўз тарихини улуғлайди, лекин бизнинг юртимиздагидек бой ўтмиш, боболаримиздек буюк алломалар ҳеч қаерда йўқ.

ИИВ академияси Ахборот хизмати