Машғулот ИИВ академияси ҳамда Уфа юридик институти ўртасидаги ҳамкорлик меморандуми доирасида ўзаро тажриба алмашинувини мустаҳкамлаш мақсадида ташкил қилинди.

Ахборот-коммуникация технологиялари имкониятларидан фойдаланган ҳолда ташкил қилинган машғулотда курсантлар ва ихтисослик кафедралардан профессор-ўқитувчилар қатнашди.

Онлайн дарсда ички ишлар органларида ахборот-таҳлил фаолиятининг ўрни ва аҳамияти, ахборот-таҳлилий маълумотларни тайёрлаш тартиби, мазкур йўналишда билиш зарур бўлган жиҳатлар, шунингдек талончилик жиноятини фош этишда тезкор-қидирув фаолиятини ташкил этишнинг замонавий тактикаси ва усуллари ёритилди.

Машғулот якунида таълим муассасалари профессор-ўқитувчилари масофавий мулоқот қилиб, Ўзбекистон ва Россия ҳуқуқ-тартибот органлари тизимида йўлга қўйилган тажрибалар юзасидан фикр алмашдилар. Шунингдек курсантлар ўзларини қизиқтирган саволларга жавол олишди.

ИИВ академияси Ахборот хизмати