Ички ишлар органлари ходимлари куни муносабати билан “Заковат” интеллектуал ўйини ташкил қилинди.

Пойтахтимиздаги “Заковат арена”да ўтказилган беллашувда ИИВ академияси курсантларидан иборат 83 та жамоа қатнашди. Ўйин аввалида сўз олганлар ички ишлар органлари ходимларининг шарафли ва масъулиятли хизматларини эътироф этиб, барчани касб байрами билан қутлашди.

Маърифатли ёшларни камол топтириш, китобхонликни кенг тарғиб этиш, иқтидорли ўғил-қизларни қўллаб-қувватлаш мақсадида ташкил қилинган интеллектуал ўйин якунида “Ҳуқуқшунослар” жамоаси биринчи, “Турон” жамоаси иккинчи, “Ҳумо” жамоаси учинчи ўринни эгаллади.

ИИВ академияси Ахборот хизмати