ИИВ академиясида таълим олаётган тожикистонлик курсантлар учун “Заковат” интеллектуал ўйини ташкил қилинди.

Ички ишлар органларида “Маънавият ойлиги” муносабати билан ўтказилган беллашувда курсантлар ва уларга таълим бераётган профессор-ўқитувчилардан таркиб топган учта жамоа қатнашди.

Беллашув давомида турли соҳаларга оид қизиқарли ва мантиқий саволлар ўйналди. Блиц саволлар орқали иштирокчиларнинг топқирлиги синовдан ўтказилди. Қизиқарли ва мунозараларга бой ўтган беллашувда энг билимдон жамоа ғолибликни қўлга киритди.

Тадбир якунида барча иштирокчилар “Ўзбекистонда жамоат тартиби ва хавфсизликни таъминлаш тарихи” китоби ҳамда турли эсдалик совғалари билан тақдирланди.

ИИВ академияси Ахборот хизмати